Blaenau Gwent

Mae Cyngor Bwrdeistref Sirol Blaenau Gwent (BGCBC) yn cynnig gwasanaeth wythnosol wedi’i ddidoli wrth ymyl y ffordd ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae'n casglu:

• gwastraff bwyd bob wythnos, o gadi gwyrdd yn defnyddio bagiau leinio cadi a ddarperir gan y Cyngor am ddim, y gellir eu casglu o allfeydd ledled y fwrdeistref. Gall preswylwyr hefyd ddewis defnyddio eu bagiau plastig untro eu hunain yn lle'r bagiau leinio cadi a ddarperir gan y Cyngor;
   
• ailgylchu sych bob wythnos, naill ai o uned Trolibocs sy’n cynnwys un bocs 40-litr a dau focs 55-litr, neu focsys a bagiau glas ailddefnyddiadwy ar wahân, gan ganiatáu i breswylwyr wahanu eu:
   
  • poteli a jariau gwydr,
     
  • caniau, tuniau, aerosolau a ffoil metel, a photeli, potiau a thybiau plastig, a
     
  • phapur;
     
• cardfwrdd bob wythnos, o fag gwyn mawr ailddefnyddiadwy;
   
• batris cartref bob wythnos, o fag gwyn bach ailddefnyddiadwy. Gall preswylwyr gasglu bag o’u Hyb Cymunedol agosaf, sydd wedi’i leoli’n ganolog ym mhob llyfrgell leol a reolir gan Ymddiriedolaeth Hamdden Aneurin. Er bod y bag ar gael, gall preswylwyr dewis i barhau i roi eu hen fatris allan i'w casglu mewn bagiau plastig untro, os oes ganddynt rai i'w defnyddio; ac
   
• eitemau trydanol bach a thecstilau bob wythnos, mewn bagiau plastig clir ar wahân.

Mae BGCBC hefyd yn casglu:

• nwyddau hylendid amsugnol (AHP) bob wythnos, o sachau melyn untro, os yw preswylwyr wedi cofrestru ar gyfer y gwasanaeth hwn;
   
• gwastraff gardd bob pythefnos, o fag gwyrdd mawr ailddefnyddiadwy; a
   
• gwastraff na ellir ei ailgylchu bob tair wythnos, o fin olwynion du neu hyd at bedair sach ddu untro.

Mae'r Cyngor yn darparu gwasanaeth casglu gwastraff cartref swmpus ar gyfer eitemau mawr. I ddarganfod faint mae’r gwasanaeth hwn yn ei gostio, neu i drefnu casgliad, dylai preswylwyr ymweld â gwefan y Cyngor.

Mae'r Cyngor yn rheoli dwy Ganolfan Ailgylchu Gwastraff y Cartref  yn y sir. Dylai preswylwyr ymweld â gwefan y Cyngor i wirio amseroedd agor, rheolau safle, a oes angen trwydded arnynt i fynychu mewn cerbyd mawr, ac a oes angen iddynt drefnu apwyntiad cyn iddynt ymweld â safle.

Ewch i wefan Cyngor Bwrdeistref Sirol Blaenau Gwent.