Bro Morgannwg

Mae Cyngor Bro Morgannwg (VoGC) yn darparu gwasanaeth casglu wrth ymyl y ffordd wythnosol ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae’n casglu:

• gwastraff bwyd bob wythnos, o gadi gwyrdd yn defnyddio bagiau leinio cadi a ddarperir gan y Cyngor am ddim; ac
   
• ailgylchu sych bob wythnos,
   
  • o gadi llwyd ar gyfer poteli a jariau gwydr,
     
  • o fag glas ailddefnyddiadwy ar gyfer caniau, tuniau, aerosolau a ffoil metel, poteli, potiau a thybiau plastig, a chartonau bwyd a diod (fel Tetra Pak),
     
  • o fag oren ailddefnyddiadwy ar gyfer cardfwrdd a phapur brown,
     
  • o fag gwyn ailddefnyddiadwy ar gyfer papur, ac
     
  • o fag gwyn bach ailddefnyddiadwy ar gyfer batris o'r cartref.

Gall preswylwyr ailgylchu eitemau trydanol bach trwy eu gosod yn rhydd ar ben un o'u cadis neu fagiau. Ni ddylent eu rhoi mewn unrhyw fath o gynhwysydd, gan gynnwys unrhyw fagiau plastig untro.

Mae VoGC hefyd yn casglu:

• gwastraff gardd bob pythefnos rhwng mis Mawrth a mis Tachwedd o fagiau gwyrdd ailddefnyddiadwy, gan breswylwyr sy'n tanysgrifio i'r gwasanaeth y codir tâl amdano. Gall preswylwyr sydd wedi cofrestru ofyn am gasgliad gwastraff gardd rhwng mis Rhagfyr a mis Chwefror. Os yw'n well gan drigolion beidio â thanysgrifio i'r gwasanaeth casglu, gallant fynd â'u gwastraff gardd i'w Canolfan Ailgylchu Gwastraff y Cartref leol am ddim neu ei gompostio gartref; a
   
• gwastraff na ellir ei ailgylchu bob tair wythnos. Gall preswylwyr roi hyd at dri sach ddu untro allan bob tair wythnos.

Mae'r Cyngor yn cynnig gwasanaeth casglu gwastraff cartref swmpus ar gyfer eitemau mawr. I ddarganfod faint mae’r gwasanaeth hwn yn ei gostio, neu i drefnu casgliad, dylai preswylwyr ymweld â gwefan y Cyngor.

Mae’r Cyngor yn gweithredu dwy Ganolfan Ailgylchu Gwastraff y Cartref yn y sir. Rhaid i breswylwyr drefnu apwyntiad cyn iddynt ymweld â safle.

Ewch i wefan Cyngor Bro Morgannwg.