Caerffili

Mae Cyngor Bwrdeistref Sirol Caerffili (CCBC) yn darparu gwasanaeth casglu wrth ymyl y ffordd un ffrwd ar gyfer ailgylchu. Mae hyn yn golygu bod yr holl ailgylchu sych yn cael ei gymysgu mewn un cynhwysydd.

Mae’n casglu:

• gwastraff bwyd bob wythnos, o gadi gwyrdd yn defnyddio bagiau leinio cadi a ddarperir gan y Cyngor am ddim; ac
   
• ailgylchu sych bob wythnos, o fin neu focs brown, sy’n cynnwys:
  • poteli a jariau gwydr,
  • caniau, tuniau, aerosolau a ffoil metel,
  • poteli, potiau a thybiau plastig,
  • cardbord, a
  • phapur;

Mae CCBC hefyd yn casglu:

• gwastraff gardd bob wythnos, o fag gwyrdd ailddefnyddiadwy;
   
• gwastraff hylendid, fel bagiau colostomi/stoma, padiau anymataliaeth oedolion, menig plastig a ffedogau tafladwy, bob pythefnos o fin, o gartrefi sydd wedi'u cofrestru ar gyfer y gwasanaeth am ddim hwn; a
   
• gwastraff na ellir ei ailgylchu bob pythefnos, o fin gwyrdd (neu ddu).

Mae'r Cyngor yn cynnig gwasanaeth casglu eitemau swmpus ar gyfer eitemau mawr. I ddarganfod faint mae’r gwasanaeth hwn yn ei gostio, neu i drefnu casgliad, dylai preswylwyr ymweld â gwefan y Cyngor.

Mae'r Cyngor yn rheoli chwech Canolfan Ailgylchu. Rhaid i breswylwyr drefnu apwyntiad cyn iddynt ymweld â safle.

Ewch i wefan Cyngor Bwrdeistref Sirol Caerffilii.