Castell-nedd Port Talbot

Mae Cyngor Castell-nedd Port Talbot (NPTC) yn cynnig gwasanaeth wythnosol wedi’i ddidoli wrth ymyl y ffordd ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae'n casglu:

• gwastraff bwyd bob wythnos, o gadi gwyrdd yn defnyddio bagiau leinio cadi a ddarperir gan y Cyngor am ddim; ac
   
• ailgylchu sych bob wythnos, 
   
  • o focs du ailddefnyddiadwy (heb gaead) ar gyfer poteli a jariau gwydr,
     
  • o fag gwyn ailddefnyddiadwy (bag gwyn 1) ar gyfer caniau, tuniau, aerosolau a ffoil metel, a photeli, potiau a thybiau plastig,
     
  • o fag gwyn ailddefnyddiadwy (bag gwyn 2) ar gyfer cardbord a chartonau bwyd a diod (fel Tetra Pak),
     
  • o focs du ailddefnyddiadwy (gyda chaead) ar gyfer papur, ac
     
  • o fag gwyn bach ailddefnyddiadwy ar gyfer batris o'r cartref.

Mae NPTC hefyd yn casglu:

• cewynnau tafladwy a gwastraff anymataliaeth bob pythefnos mewn sachau porffor untro, o gartrefi sydd wedi'u cofrestru ar gyfer y gwasanaeth am ddim hwn;
   
• gwastraff gardd bob pythefnos o fag(iau) gwyrdd ailddefnyddiadwy; a
   
• gwastraff na ellir ei ailgylchu bob pythefnos o fin olwynion du neu hyd at dri sach ddu untro.

Mae'r Cyngor yn darparu gwasanaeth casglu eitemau swmpus ar gyfer eitemau mawr. I gael gwybod faint mae’r gwasanaeth hwn yn ei gostio, neu i archebu casgliad, dylai preswylwyr ymweld â gwefan y Cyngor.

Mae'r Cyngor yn darparu tair Canolfan Ailgylchu. Dylai preswylwyr ymweld â gwefan y Cyngor i wirio a oes angen iddynt drefnu apwyntiad cyn iddynt ymweld â safle.

Ewch i wefan Cyngor Castell-nedd Port Talbot.