Ceredigion

Mae Cyngor Sir Ceredigion (CCC) yn darparu gwasanaeth casglu cymysg wythnosol ar gyfer ailgylchu. Mae hyn yn golygu ei fod yn casglu'r rhan fwyaf o ddeunyddiau ailgylchadwy 'sych' wedi'u cyfuno mewn un cynhwysydd, hynny yw, metelau, plastigion, cardfwrdd a phapur.

Mae'n casglu:

• gwastraff bwyd bob wythnos, o gadi gwyrdd gan ddefnyddio bagiau leinio cadi a ddarperir gan y Cyngor am ddim;

• ailgylchu sych bob wythnos, mewn sachau clir untro, ar gyfer:

  • caniau, tuniau, aerosolau a ffoil metel, 
  • poteli, potiau a thybiau plastig,
  • cartonau bwyd a diod fel Tetra Pak,
  • cardfwrdd, 
  • papur, a
  • bagiau a deunydd lapio plastig; a
     
• photeli a jariau gwydr bob tair wythnos, o focs du.

Mae CCC hefyd yn casglu:

• cynnyrch hylendid amsugnol (AHP) bob pythefnos, mewn sachau porffor untro, os yw preswylwyr wedi cofrestru ar gyfer y gwasanaeth am ddim hwn;
   
• gwastraff gardd bob pythefnos, o sach werdd untro. Gall preswylwyr brynu cyflenwad o sachau gwastraff gardd o'u llyfrgell leol a gofyn am gasgliad trwy gysylltu â CLIC; a
   
• gwastraff na ellir ei ailgylchu bob tair wythnos, o gynhwysydd addas a diogel a gyflenwir gan breswylwyr, megis sachau du untro neu finiau gwastraff.

Gall preswylwyr fynd ag unrhyw hen eitemau trydanol bach a batris cartref i'w llyfrgell leol i gael eu hailgylchu.

Mae'r Cyngor yn darparu gwasanaeth casglu gwastraff cartref swmpus ar gyfer eitemau mawr. I gael gwybod faint mae’r gwasanaeth hwn yn ei gostio, neu i archebu casgliad, dylai preswylwyr ymweld â gwefan y Cyngor.

Mae pedwar Safle Gwastraff Cartref yn y sir, y gall preswylwyr eu defnyddio am ddim. Dylai preswylwyr ymweld â gwefan y Cyngor i wirio amseroedd agor, rheolau safle, a oes angen trwydded arnynt i fynychu cerbyd mawr, ac a oes angen iddynt drefnu apwyntiad cyn iddynt ymweld â safle.

Ewch i wefan Cyngor Sir Ceredigion.