Merthyr Tudful

Mae Cyngor Bwrdeistref Sirol Merthyr Tudful (MTCBC) yn darparu gwasanaeth casglu wrth ymyl y ffordd wythnosol ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae'n casglu:

• gwastraff bwyd bob wythnos, o gadi glas yn defnyddio bagiau leinio cadi a darperir gan y Cyngor am ddim; ac

• ailgylchu sych bob wythnos,

  • o sach glas ailddefnyddiadwy ar gyfer caniau, tuniau, erosolau a ffoil metel, poteli, potiau a thybiau plastig, a thiwbiau past dannedd;

  • o focs du (neu wyrdd hŷn) ar gyfer poteli a jariau gwydr; 

  • o focs du (neu wyrdd hŷn) ar gyfer cardfwrdd a chartonau bwyd a diod, fel Tetra Pak; ac

  • o focs du (neu wyrdd hŷn) ar gyfer papur.

Gall preswylwyr ailgylchu eitemau trydanol bach a thecstilau drwy eu rhoi mewn bagiau plastig untro ar wahân a’u gosod wrth ymyl eu cynwysyddion ailgylchu eraill.

Mae MTCBC hefyd yn casglu:

• gwastraff o’r ardd pob pythefnos rhwng mis Ebrill a mis Tachwedd o fag gwyrdd ailddefnyddiadwy; a

• gwastraff na ellir ei ailgylchu bob pythefnos o fin olwynion du.

Mae'r Cyngor yn darparu gwasanaeth casglu gwastraff cartref swmpus ar gyfer eitemau trydanol mawr a dodrefn. I gael gwybod faint mae’r gwasanaeth hwn yn ei gostio, neu i archebu casgliad, dylai preswylwyr ymweld â gwefan y Cyngor.

Mae dwy Ganolfan Ailgylchu Gwastraff y Cartref ar draws y sir. I ddarganfod a oes angen i drigolion drefnu apwyntiad cyn iddynt ymweld â safle, dylai preswylwyr ymweld â gwefan y Cyngor.

Ewch i wefan Cyngor Bwrdeistref Sirol Merthyr Tudful.