Rhondda Cynon Taf

Mae Cyngor Bwrdeistref Sirol Rhondda Cynon Taf (RCTCBC) yn darparu gwasanaeth casglu cymysg wythnosol ar gyfer ailgylchu. Mae hyn yn golygu ei fod yn casglu'r rhan fwyaf o ddeunyddiau ailgylchadwy 'sych' wedi'u cyfuno mewn un cynhwysydd, hynny yw, metelau, plastigion, cardbord a phapur.

Mae'n casglu:

• gwastraff bwyd bob wythnos, o gadi gan ddefnyddio bagiau leinio cadi a ddarperir gan y Cyngor am ddim; ac
   
• ailgylchu sych bob wythnos, mewn sachau clir untro, ar gyfer: 
   
  • poteli a jariau gwydr,
  • caniau, tuniau, aerosolau a ffoil metel, 
  • poteli, potiau a thybiau plastig,
  • cartonau bwyd a diod fel Tetra Pak,
  • cardfwrdd, a
  • phapur.

Mae RCTCBC hefyd yn casglu:

• cewynnau bob wythnos, mewn sachau porffor untro, os yw preswylwyr wedi cofrestru ar gyfer y gwasanaeth am ddim hwn;
   
• gwastraff gardd bob wythnos rhwng mis Mawrth a mis Tachwedd (yna ar gais rhwng Rhagfyr a Chwefror), o fagiau ailddefnyddiadwy, os yw preswylwyr wedi cofrestru ar gyfer y gwasanaeth am ddim hwn; a
   
• gwastraff na ellir ei ailgylchu bob tair wythnos, o fin olwynion gwyrdd neu mewn sachau du untro.

Mae'r Cyngor yn darparu gwasanaeth casglu eitemau mawr. I gael gwybod faint mae’r gwasanaeth hwn yn ei gostio, neu i archebu casgliad, dylai preswylwyr ymweld â gwefan y Cyngor.

Mae chwech Canolfan Ailgylchu yn y sir, y gall preswylwyr RCTCBC eu defnyddio am ddim. Dylai preswylwyr ymweld â gwefan y Cyngor i wirio amseroedd agor, rheolau safle, a oes angen trwydded arnynt i fynychu cerbyd mawr, ac a oes angen iddynt drefnu apwyntiad cyn iddynt ymweld â safle.

Ewch i wefan Cyngor Bwrdeistref Sirol Rhondda Cynon Taf.