Sir Benfro

Mae Cyngor Sir Penfro (PCC) yn darparu gwasanaeth casglu wrth ymyl y ffordd wythnosol ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae's casglu:

• gwastraff bwyd bob wythnos, o gadi gwyrdd yn defnyddio bagiau leinio cadi a ddarperir gan y Cyngor am ddim; ac

• ailgylchu sych bob wythnos,

  • o focs gwyrdd ar gyfer poteli a jariau gwydr; 

  • o fag coch ailddefnyddiadwy ar gyfer caniau, tuniau, aerosolau a ffoil metel, poteli, potiau a thybiau plastig, a chartonau bwyd a diod (fel Tetra Pak);
     

  • o fag glas ailddefnyddiadwy ar gyfer cardfwrdd; ac

  • o focs glas ar gyfer papur.

Mae PCC hefyd yn casglu:

• cynnyrch hylendid amsugnol, fel cewynnau ac eitemau anymataliaeth, bob pythefnos mewn sachau porffor untro, oddi cartrefi sy'n tanysgrifio i'r gwasanaeth am ddim yma;

• gwastraff o'r ardd bob pythefnos rhwng mis Mawrth a mis Tachwedd, o fin olwynion byrgwnd, oddi cartrefi sy’n tanysgrifio i’r gwasanaeth taladwy; a

• gwastraff na ellir ei ailgylchu bob tair wythnos. Gall preswylwyr roi hyd at dri sach ddu untro allan bob tair wythnos.

Mae'r Cyngor yn cynnig gwasanaeth casglu gwastraff cartref swmpus. I gael gwybod faint mae’r gwasanaeth hwn yn ei gostio, neu i archebu casgliad, dylai preswylwyr ymweld â gwefan y Cyngor.

Mae'r Cyngor yn rheoli chwe Chanolfan Gwastraff ac Ailgylchu ar draws y sir. Rhaid i breswylwyr drefnu apwyntiad cyn iddynt ymweld â safle.

Ewch i wefan Cyngor Sir Penfro.