Sir Ddinbych

Mae Cyngor Sir Ddinbych (DCC) yn darparu gwasanaeth casglu wrth ymyl y ffordd wythnosol ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae’n casglu:

• gwastraff bwyd bob wythnos, o gadi oren yn defnyddio bagiau leinio cadi a ddarperir gan y Cyngor am ddim;
   
• ailgylchu sych bob wythnos, naillai o uned Trolibocs sy’n cynnwys tri bocs, neu fagiau ailddefnyddiadwy, sy’n caniatáu i breswylwyr wahanu eu:
   
  • poteli a jariau gwydr,
     
  • caniau, tuniau, aerosolau a ffoil metel, poteli, potiau a thybiau plastig, a chartonau bwyd a diod (fel Tetra Pak), a
     
  • phapur;
     
• cardfwrdd o fag glas ailddefnyddiadwy;
   
• eitemau trydanol bach bob wythnos, pan fydd preswylwyr yn gosod eitemau yn rhydd ar ben eu Trolibocs neu un o'u bagiau ailddefnyddiadwy; 
   
• batris o’r cartref bob wythnos, o gwdyn pinc ailddefnyddiadwy wedi'u clipio ar handlen eu Trolibocs, neu mewn bag plastig untro, wedi'i glymu'n ddiogel, ac yna'n cael ei osod ar ben un o'u bagiau ailddefnyddiadwy; a
   
• thecstilau bob pedair wythnos, mewn sachau wen untro. Darperir y sachau a'r gwasanaeth gan bartner DCC, Co-Options Social Enterprise.

Mae DCC hefyd yn casglu:

• nwyddau hylendid amsugnol, fel clytiau ac eitemau anymataliaeth, bob wythnos o gadi du gyda chaead piws, o gartrefi sydd wedi cofrestru ar gyfer y gwasanaeth am ddim yma;
   
• gwastraff gardd bob pythefnos, naill ai o fin ar olwynion gwyrdd 140-litr neu sach(au) dympi gwyrdd, o gartrefi sydd wedi cofrestru ar gyfer y gwasanaeth taladwy yma; a
   
• gwastraff na ellir ei ailgylchu bob pedair wythnos, naill ai o fin ar olwynion du neu las 240-litr, neu bob wythnos mewn sach binc untro. Gall preswylwyr sy'n defnyddio sachau pinc roi un sach wedi'i llenwi allan bob wythnos. Ar eu diwrnod casglu, maent yn cyflwyno eu sach y tu mewn i fag du ailddefnyddiadwy.

Mae'r Cyngor yn cynnig gwasanaeth casglu eitemau swmpus ar gyfer eitemau mawr. I ddarganfod faint mae’r gwasanaeth hwn yn ei gostio, neu i drefnu casgliad, dylai preswylwyr ymweld â gwefan y Cyngor.

Mae'r Cyngor yn rheoli pum Parc Ailgylchu a Gwastraff parhaol. Rhaid i breswylwyr drefnu apwyntiad cyn iddynt ymweld â safle. Mae hefyd yn rhedeg Gwasanaeth Ailgylchu Dros Dro i breswylwyr Dyffryn Dyfrdwy sydd ar agor ar y pedwar bore Sadwrn cyntaf o bob mis, bob yn ail rhwng Corwen a Llangollen. Gall preswylwyr Sir Ddinbych sy'n byw yn Nyffryn Dyfrdwy ddefnyddio'r gwasanaeth hwn.

Ewch i wefan Cyngor Sir Ddinbych.