Sir Fynwy

Mae Cyngor Sir Fynwy (MCC) yn cynnig gwasanaeth wythnosol wedi’i ddidoli wrth ymyl y ffordd ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae'n casglu:

• gwastraff bwyd bob wythnos, o gadi glas yn defnyddio bagiau leinio cadi a ddarperir gan y Cyngor am ddim; ac
   
• ailgylchu sych bob wythnos, 
   
  • o focs gwyrdd ailddefnyddiadwy ar gyfer poteli a jariau gwydr,
     
  • o fag porffor ailddefnyddiadwy ar gyfer caniau, tuniau, aerosolau a ffoil metel, poteli, potiau a thybiau plastig, a chartonau bwyd a diod (fel Tetra Pak); ac
     
  • o fag coch ailddefnyddiadwy ar gyfer cardfwrdd a phapur.

Mae MCC hefyd yn casglu:

• cewynnau a gwastraff hylendid bob pythefnos mewn sachau melyn untro. Nid oes angen i breswylwyr gofrestru ar gyfer y gwasanaeth am ddim hwn a gallant gasglu sachau melyn o'u Hyb Cymunedol lleol;
   
• gwastraff gardd bob pythefnos rhwng mis Mawrth a mis Rhagfyr o fin olwynion gwyrdd, o gartrefi sydd wedi'u cofrestru ar gyfer y gwasanaeth taladwy hwn; a
   
• gwastraff na ellir ei ailgylchu bob pythefnos mewn hyd at ddwy sach ddu untro.

Mae’r Cyngor yn darparu gwasanaeth casglu gwastraff swmpus ac eitemau mawr, a reolir gan 'Homemakers Community Recycling'. I gael gwybod faint mae’r gwasanaeth hwn yn ei gostio, neu i archebu casgliad, dylai preswylwyr ymweld â gwefan y Cyngor.

Mae'r Cyngor yn rheoli tair Canolfan Ailgylchu Gwastraff Cartref yn y sir. Rhaid i breswylwyr drefnu apwyntiad cyn iddynt ymweld â safle.

Ewch i wefan Cyngor Sir Fynwy.