Sir y Fflint

Mae Cyngor Sir y Fflint (FCC) yn darparu gwasanaeth casglu wrth ymyl y ffordd wythnosol ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae's casglu:

• gwastraff bwyd bob wythnos, o gadi gwyrdd yn defnyddio bagiau leinio cadi a ddarperir gan y Cyngor am ddim; ac
   
• ailgylchu sych bob wythnos:
   
  • o focs gwyrdd ar gyfer poteli a jariau gwydr,
     
  • o fag arian ailddefnyddiadwy ar gyfer caniau, tuniau, aerosolau a ffoil metel, poteli, potiau a thybiau plastig, a chartonau bwyd a diod (fel Tetra Pak),
     
  • o fag glas ailddefnyddiadwy ar gyfer cardfwrdd a phapur; a
     
  • batris o'r cartref, mewn bag plastig untro clir, neu o dwb plastig ailddefnyddiadwy neu unrhyw gynhwysydd arall sy'n ei gwneud yn glir i'r criwiau ei fod yn cynnwys batris i'w casglu.

Mae FCC hefyd yn casglu:

• clytiau a chynnyrch hylendid amsugnol (AHP) bob wythnos, o focs oren ailddefnyddiadwy, os yw preswylwyr wedi cofrestru ar gyfer y gwasanaeth hwn;
   
• gwastraff gardd bob pythefnos rhwng mis Mawrth a chanol mis Rhagfyr o fin brown, os yw preswylwyr wedi tanysgrifio i’r gwasanaeth y codir tâl amdano; a
   
• gwastraff na ellir ei ailgylchu bob pythefnos o fin du.

Mae'r Cyngor yn cynnig gwasanaeth casglu gwastraff swmpus. I gael gwybod faint mae’r gwasanaeth hwn yn ei gostio, neu i archebu casgliad, dylai preswylwyr ymweld â gwefan y Cyngor.

Mae pum Canolfan Ailgylchu Cartref yn y sir. I ddarganfod a oes angen iddynt drefnu apwyntiad cyn iddynt ymweld â safle, dylai preswylwyr ymweld â gwefan y Cyngor.

Ewch i wefan Cyngor Sir y Fflint.