Wrecsam

Mae Cyngor Bwrdeistref Sirol Wrecsam (WCBC) yn darparu gwasanaeth casglu wrth ymyl y ffordd wythnosol ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae’n casglu:

• gwastraff bwyd bob wythnos, o gadi llwyd yn defnyddio bagiau leinio cadi a ddarperir gan y Cyngor am ddim; ac
   
• ailgylchu sych bob wythnos, naill ai o uned Trolibocs sy’n cynnwys tri bocs, neu focs du, bocs gwyrdd a bag glas ailddefnyddiadwy, gan ganiatáu i breswylwyr wahanu eu:
   
  • poteli a jariau gwydr,
  • caniau, tuniau, aerosolau a ffoil metel,
  • poteli, potiau a thybiau plastig,
  • cardfwrdd, a
  • phapur.

Mae WCBC hefyd yn casglu:

• gwastraff gardd bob pythefnos rhwng mis Mawrth a mis Tachwedd (ac unwaith y mis rhwng mis Rhagfyr a mis Chwefror), o fin gwyrdd, o gartrefi sydd wedi'u cofrestru ar gyfer y gwasanaeth taladwy hwn; a
   
• gwastraff na ellir ei ailgylchu bob pythefnos, o fin du neu las.

Mae'r Cyngor yn darparu gwasanaeth casglu eitemau swmpus o'r cartref ar gyfer eitemau mawr. I gael gwybod faint mae’r gwasanaeth hwn yn ei gostio, neu i archebu casgliad, dylai preswylwyr ymweld â gwefan y Cyngor.

Mae'r Cyngor yn rheoli tair Canolfan Ailgylchu Gwastraff y Cartref. Nid oes angen i breswylwyr drefnu apwyntiad cyn iddynt ymweld â safle.

Mae’r Ganolfan Ailgylchu yng Ystâd Ddiwydiannol Wrecsam (a elwir hefyd yn Lôn y Bryn) yn gartref i siop ailddefnyddio Hosbis Tŷ’r Eos. Gall preswylwyr roi eitemau i'r siop ailddefnyddio yn unrhyw un o'r tair Canolfan Ailgylchu yn Wrecsam.

Ewch i wefan Cyngor Bwrdeistref Sirol Wrecsam.