Metel

Casgliad: Mae metel yn cael ei gasglu drwy gasgliadau ochr-ffordd gan y cyngor, banciau caniau, a safleoedd ailgylchu y cyngor. Mae’r deunyddiau yn cael eu didoli yn ôl y math o fetel, gan gael eu pasio o fagnet mawr er mwyn gwahanu'r metelau fferrus. Mae caniau dur yn cael eu golchi gyda sylwedd cemegol caustig er mwyn cael gwared o’r haen allanol.

Rhacsio a chlirio: Mae’r metelau wedi eu gwahanu yn cael eu bwydo mewn i beiriant a’u rhacsio mewn i ddarnau bach, a mae unrhyw addurniadau sydd ar ôl ar yr alwminiwm yn cael ei dileu gan chwythu aer poeth ato ar 500 gradd Celsius.

Toddi: Mae’r metelau priodol wedyn cael eu toddi mewn ffwrneisi ar wahân, a mae’r metel wedi ei doddi wedyn yn llifo i mewn i fowld ac yn cael ei oeri gan chwythelli dŵr, cyn caledi a throi yn ingot.

Rholio. Mae’r ingot yn cael ei gymryd i felyn rholio ble mae’n cael ei cyn-gynhesu a’i rholio mewn i gynfas i’r manylebau a thewder a ofynnwyd amdanynt gan y gwneuthurwr.

Gwneud y caniau: Os ydy’r cynfas metel am gael ei droi yn ganiau bwyd a diod, mi fydd yn cael eu bwydo drwy wasg cyn i filoedd o gwpanau cael eu torri. Mae ochrau’r cwpanau wedyn yn cael eu gwasgu drwy gyfres o gylchoedd er mwyn codi'r cwpan a ffurfio siâp y can. Mae addurniadau allanol yn cael eu hadio a mae’r caniau yn sychu mewn popty.

Llenwi: Mae’r caniau yn cael eu glanhau gan ddefnyddio aer pwysedd uchel a dŵr ac wedyn yn cael eu llenwi gyda nwy CO2. Mae hylif wedyn yn cael ei adio’r can, mae’r ddau ben yn cael eu hategu, mae’r can yn cael ei selio, ac yna mae’n mynd i’r adwerthwr.