Conwy

Mae Cyngor Bwrdeistref Sirol Conwy (CCBC) yn darparu gwasanaeth casglu wrth ymyl y ffordd wythnosol ar gyfer ailgylchu. Mae hyn yn golygu ei fod yn casglu deunyddiau ailgylchadwy mewn cynwysyddion ar wahân.

Mae’n casglu:

• gwastraff bwyd bob wythnos, o gadi du gyda chaead gwyrdd yn defnyddio bagiau leinio cadi a ddarperir gan y Cyngor am ddim;
   
• ailgylchu sych bob wythnos, naillai o uned Trolibocs sy’n cynnwys tri bocs, neu fagiau ailddefnyddiadwy a bocs, sy’n caniatáu i breswylwyr wahanu eu:
   
  • poteli a jariau gwydr a chardfwrdd,
     
  • caniau, tuniau, aerosolau a ffoil metel, poteli, potiau a thybiau plastig, a chartonau bwyd a diod (fel Tetra Pak), a
     
  • phapur;
     
• batris o’r cartref bob wythnos, o fag gwyn ailddefnyddiadwy; 
   
• eitemau trydanol bach bob pythefnos, mewn sachau pinc untro;
   
• tecstilau bob pythefnos, mewn sachau piws untro; a
   
• phodiau coffi bob pythefnos, mewn sachau gwyrdd untro.

Mae CCBC hefyd yn casglu:

• nwyddau hylendid amsugnol, fel clytiau tafladwy ac eitemau anymataliaeth, bob wythnos mewn sachau untro o'r tu mewn i gadi, o gartrefi sydd wedi cofrestru ar gyfer y gwasanaeth am ddim yma;
   
• gwastraff gardd bob pythefnos, o fin ar olwynion brown, o gartrefi sydd wedi cofrestru ar gyfer y gwasanaeth taladwy yma; a
   
• gwastraff na ellir ei ailgylchu bob pedair wythnos, o fin ar olwynion du 240-litr.

Mae'r Cyngor yn cynnig gwasanaeth casglu eitemau swmpus ar gyfer eitemau mawr (hyd at bedair eitem). I drefnu casgliad, neu i ddarganfod faint mae'r gwasanaeth hwn yn ei gostio, dylai preswylwyr ymweld â gwefan y Cyngor.

Mae'r Cyngor yn rheoli dwy Ganolfan Ailgylchu Gwastraff Cartref ac yn gweithredu gwasanaeth canolfan ailgylchu symudol mewn tri lleoliad ar y dydd Sadwrn cyntaf, ail a thrydydd o bob mis. Rhaid i breswylwyr drefnu apwyntiad cyn iddynt ymweld â safle.

Ewch i wefan Cyngor Bwrdeistref Sirol Conwy.