Gwastraff o'r ardd

Sut mae gwastraff gardd yn cael ei ailgylchu?

Pan fyddwch chi'n ailgylchu eich gwastraff gardd, gellir ei drawsnewid yn gompost sy'n helpu i dyfu bwyd, adfer tirweddau, a meithrin parciau a gerddi ledled Cymru.

Ar ôl ei gasglu, mae gwastraff gardd yn cael ei gludo i safle compostio lle mae'n cael ei rwygo'n ddarnau llai. Yna mae'r rhain yn cael eu gosod mewn rhesi hir o'r enw rhenciau a'u gadael i ddadelfennu.

Mae'r rhenciau'n cael eu troi o bryd i'w gilydd i ganiatáu i ocsigen fynd i mewn i'r gymysgedd. Mae hyn yn annog twf bacteria a ffyngau - micro-organebau sy'n cyflymu'r broses gompostio. Yn ystod y dadelfennu, mae'r tymheredd y tu mewn i'r rhenc yn cyrraedd tua 60 gradd Celsius, sy'n lladd unrhyw bathogenau niweidiol, chwyn, a chlefydau planhigion.

Ar ôl i'r deunydd ddadelfennu'n llwyr, mae'n dod yn gompost tywyll, cyfoethog. Yna mae ffermwyr a thyfwyr yn defnyddio hwn i gynhyrchu bwyd, yn ogystal ag mewn parciau a gerddi cyhoeddus - gan ddarparu dewis arall naturiol yn lle mawn neu wrteithiau artiffisial.